陳奕迅（Eason）將於7月11日義演《Live is so much better with Music Eason Chan Charity Concert》網上慈善演唱會，成為「香港現場演出及制作行業協會」 的頭炮籌款活動，為100名台前幕後員工帶來工作與收入，及為演唱會相關業界人士籌務資金。演唱會將於當日分清晨6時及黃昏5時於網上直播，配合《日出日落》的主題；主角Eason雖然未有現身相關記者會，但專誠到紅館拍攝短片分享感受。

受新冠肺炎影響，紅館的演唱會煞停了近200日；Eason專誠在這個演唱會聖地拍攝短片，從罕有「靜英英」的紅館後台步入會場，並感觸道：「我來過紅館咁多次，都未見過咁靜，如果唔係疫情影響，應該唔會休息咁耐。我第一次做紅館係為電視台演出，紅館特別之處係四面台，身軀前後都被赤裸裸睇晒，排舞都要排四面，幾有趣㗎；後台亦有好多寶貴回憶，現在雖然幾冷冰冰，但有演唱會就會佈滿花海、見到好多老友；後台真係好正好熱鬧！無人能夠預計到疫情可以令狀況去到有幾壞，但明天又是新的一天、新開始，地球唔會為你改變、太陽照常升起，不管好與壞都始終會過去。」