請到好的外傭姐姐要講運氣，有港媽日前在網上分享，家中外傭打算辭職，因為她家務做得不錯，港媽便想留她，豈料留下外傭後，做事「愈做愈衰」，更經常「黑面」懶理女兒，令港媽一肚氣，奉勸各位網民「說要走的姐姐就不要留，留了只會激親自己」。

港媽在「外傭僱主必看新聞訊息」群組發文，指家中外傭一直把家裏打理得井井有條，更非常有心機教港媽女兒讀書做練習。外傭完約後碰上疫情，自從3月後，外傭就開始不理會港媽女兒，又「口黑面黑」。港媽忍不住追問下，外傭就説要辭職離開香港，「咁佢之前的確係做得唔錯，值得留下佢」，在港媽的挽留下，外傭最終同意留下。

不過外傭留下後情況轉壞，到5月中左右，她又再不理會女兒，全日加起來只陪女兒1小時，其他時間都「搵野做，做些無必要的工作」。最近她做事更開始「遊魂」，港媽出門前已交代她叫醒女兒，等港媽回來接她出去跳舞，結果到港媽快回家，外傭都不記得叫醒她。「我明白你掛住啲仔放你中間時間同家人video call，但唔係叫你掛住call到唔知幾點嘛」。

不過最令港媽生氣的是，已經提醒她女兒睡覺前不要抹地，怕女兒跌倒，「點知佢又係趕住收工咁，未訓又走去抹，又再令我囡跌親」，又試過將女兒放在高椅上就離開不顧她。「新工人我已開始物色緊，我不會再考慮繼續留佢了，明白了一個事實係『留得住個人、留唔住個心』完約請走」。

貼文引起不少網民共鳴，「如果佢想走，但再留佢，係唔會有心做」、「我家姐姐做左3年就來last day，第一份約算幫到手，合作愉快所以順利續約，但之後越來越hea，差不多個個月都要因為佢工作表現鬧交」，不過也有網民認為情有可原，「呢輪菲律賓疫情轉差，可能擔心自己家鄉個小朋友及家人，心情差在所難免」。