夏天熱辣辣，黃美棋和黃建東近日亦分別出海玩！
黃建東大讚新鮮墨魚好好食，鮮味到暈！
黃建東首次體驗夜間出海Chok墨魚。
黃建東笑言搞咗成晚身水身汗先釣得四條！
不諳水性的黃美棋跟男友鍾健威（左）一起去考潛水牌。
黃美棋稱想睇多啲海洋生物先「的」起心肝去考潛水牌。
下水前黃美棋Chok爆留影，連男友都讚型！
Previous
Next
夏天熱辣辣梗係要玩水啦！近日不少藝人已經出動去沙灘日光浴、出海玩Wakesurf等，最近黃美棋（美棋BB）就跟男友鍾健威（Ray）去考潛水牌，但早前Ray爆料指女友原來唔熟水性，連搭船都要食暈浪丸，美棋BB昨日就於IG貼出潛水照，並留言解釋：「因為我想睇多D（啲）魚仔，海龜、海洋生物！叫咗Ray哥陪我學，點知佢突然加咗廿匹，黎（嚟）緊已經考AO！！我真係佩服... 而我呢？？又暈船浪又驚吸唔到氣又要成日調水壓又怕水母，阿sir對住我成日哭笑不得，無激暈佢已經算係咁....哈哈，到底我考唔考到O牌呀？下回分解，而家唯有食住雞胸睇魚仔先啦。」見美棋BB要挑戰茫茫大海的恐懼，仍能在鏡頭前Chok住擺甫士影相，難怪Ray都大讚：「確實係型嘅！」
