平時密密實實嘅 Ian，突然玩騷腹，搞到肥仔同網友反應都好大。
Ian排朱古力腹肌係操得幾靚嘅。
之前 Ian都晒過健身相，但都係有着衫嘅。
唔知係咪啱啱拍完劇集《男排女將》，演排球選手令Ian身形更fit。
Ian入行以嚟，一直好惜肉如金㗎！
Previous Next
MIRROR出動以嚟，一班仔仔真係惜肉如金㗎！平日包到實情況，僅次於姜濤嘅Ian（陳卓賢），呢日無端端喺健身時自拍大騷腹肌，fans睇見呢排難得一見嘅朱古力當然為之瘋狂，仲即時封咗佢做「大隻賢」，輕輕鬆鬆就吸咗超過萬三個like啦！呢個時間當然唔少得ERROR成員出嚟搞吓事，肥仔就話：「很想舔一下」即時搞到網友起哄話「預埋」、「萬人舔」，真係幾好笑㗎！不過，大家留意番其實Ian其實叫大家做好防疫㗎！佢話：「You are what you behave.Not what you believe世界上有好多野係自己控制唔到，做好自己就可以了」大家唔好淨係掛住睇肉啦！