男子組合MIRROR主將姜濤昨晚單飛為蔚雨芯（Rainky）投資的美容公司周年晚宴表演，除咗演繹3首歌外，還負責頒獎及抽獎。姜濤出場惹來台下女粉絲歡呼尖叫聲，雖然有經理人花姐傍到實，但姜濤仍顯得十分怕醜及緊張，頒獎給總代理時更一度失手，將鑽石禮物摔了落地，要由大會司儀林秀怡幫手踎低執返起解圍，相當尷尬。他表示，今次係首次單飛做商演，冇隊友喺身邊，感覺好唔習慣，又唔知有乜好講，他還緊張得出晒汗，猛話好熱，唱完歌要落台坐埋一角小休來平復。席間，他還分享當日由200磅大肥仔，成功減肥血淚史，由於當時只吃蘋果，很不健康。

 

將於7月中到台灣拍劇4個月的姜濤坦言只帶日用品出發，沒有太多準備，用來消磨時間的電子遊戲卻不可少。姜濤未試過離開香港咁長時間，相信會掛念香港，最想在當地行夜巿。提到台灣多辣妹，他笑言都鍾意食辣㗎！至於結識辣妹就順其自然。當笑指台灣女生較為主動，他笑說：「好呀！大家冇乜所謂。」