之前譚詠麟（阿倫）跟明星足球隊成員陳百祥（阿叻）、梁漢文(Edmond)和李克勤等踢波，同場還有警察公共關係科前總警司，現任葵青警區指揮官謝振中。事後阿倫在微博上載與謝振中和梁漢文合照，指當天他轉踢中場做傳送工作，而謝Sir和梁漢文則各入5球。不過該張合照惹來唔少聲音，梁漢文的instagram被洗版式留言。

今日梁漢文透過個人FB 宣傳自己的作品《正氣歌》同時，發表個人立場。留言：「等咗半年先踢到一場波，估唔到𠵱家踢場波難，原來做人更難。踢完走，校長拉住話影張相......做人應該尊重前輩..... 影張相，原來會被人覺得犯下彌天大罪。天下判官何其多，我問心無愧便是了。 #明就明 #唔明我都冇咩好講 #多謝默默關心緊張問候我的所有朋友」