靚湯和馬明分別以獨角獸和小馬代表自己。
馬明今晨都貼出新相，並謂閉關創作中，但……你仲沉迷緊IG喎 。
靚湯留言：「When I look into your eyes...」大家看到她眼裏的倒影是馬明嗎？
靚湯一連貼出兩張「靚湯與唐老鴨Tee」系列的照片。
早前靚湯貼出氣球照，有網民在氣球上看到馬明倒影，好眼利！
有網民「質問」馬明：「唐老鴨同女友跌落水救邊個？」他竟斗膽答鴨！
靚湯和馬明今朝於IG瘋狂放閃！
Previous Next
湯洛雯（靚湯）和馬國明（馬明）今朝一擘大眼又放閃喇！話說昨晚靚湯於IG貼出一張穿唐老鴨Tee的靚相，心水清的網民都知道馬明是唐老鴨Die-hard fans，仲瘋狂到直頭視它為家人看待！見到靚湯暗地裏放閃，一眾網民即刻起哄大讚Sweet爆，大家都估二人一齊拍拖出街，又問件衫係咪男友送？隔咗一晚，剛才靚湯就於IG再連出兩個Po，都係「靚湯與唐老鴨Tee」系列的照片，靚湯留言：「When I look into your eyes...」馬明都識做即Like兼留言，仲俾咗個眼望望加獨角獸的emoji，唔通呢張相就係傳說中的「男友視角」？嘗試放大張相睇，就睇唔清眼裏的倒影是否馬明嘞，不過網民們就紛紛表示喺靚湯眼裏看到愛喎！