黃翠如同蕭正楠結婚後，真係keep住喺sweet狀態，上次翠如同連詩雅做《頭條》訪問，連詩雅都話好羡慕佢哋兩公婆可以仲好有熱戀feel。呢日佢哋又喺社交平台晒恩愛，翠如放咗張阿蕭着住件粉紅色T嘅相，仲留言：「點解，佢可以咁自在地，在我衣櫃揀了一件衫，就著上身出門。連我的粉紅色衫，都唔放過……」睇見翠如呢個晒恩愛式申訴，一班圈中老友紛紛畀反應，陳自瑤：「最神奇係佢啱着」、楊潮凱：「竟然啱著」、楊秀惠：「你下次放d吊帶背心在衣櫃，然後你建議佢下次可以隨時去攞來著」，而翠如都有解釋番阿蕭啱着因為件tee係oversize嘅。不過佢哋成日咁樣晒恩愛，真係唔怕大家甜到漏喎！