因合照事件惹負評，Edmond出Po表示：「踢完走，校長拉住話影張相......做人應該尊重前輩.....」並謂問心無愧。
Edmond原定於10月31日至11月1日假紅館舉行演唱會。
阿倫於微博貼出跟Edmond和葵青警區指揮官謝振中的合照。
Edmond日前跟明星足球隊一班波友踢波。
上月底Edmond仲喺IG貼出6嚿腹肌照。
Edmond今年4月底宣佈將於10月舉行人生第5次紅館演唱會。
Edmond呢兩個多月嚟都好努力減肥操肌。
日前才鬧出合照事件，Edmond今宣佈取消10月紅館騷。
在紅館的《「普通訂租」待租用日期表》中，10月31日至11月1日的檔期已轉為「待租用」。
Edmond所屬經理人公司大岳娛樂今發通告，宣佈《梁漢文天天在家音樂會2020》延期舉行。
Previous Next
今年4月尾，梁漢文（Edmond）在網上拍片興奮宣佈將於10月31日至11月1日，舉行人生第5個紅館演唱會《梁漢文天天在家音樂會2020》，為以極Fit狀態開Show，呢兩個多月以來努力減肥及操肌，上月尾仲喺IG貼出6嚿腹肌照，開心晒成果！未料，有網友今日爆料指梁漢文已取消紅館演唱會兩日檔期，記者即翻查紅館《「普通訂租」待租用日期表》，的確發現10月31日至11月1日的檔期已轉為「待租用」。記者直接向梁漢文查詢，他獨家回應本報記者，指昨晚忍痛決定取消演唱會，「自己拍板一刻都唔開心，眼濕濕，我都冇晒心情。」問到取消跟那張引起好大迴響的「踢波照」是否有關?Edmond避談：「唔想諗，疫情真係好反覆。」並表示「冇諗過大家反應咁大，係我疏忽，令大家對我失望，我真係好簡單嘅人！」
採訪:方騫平、黎寶倫