父子二人卻除口罩喺南蓮園池合照留念，有張7人合照仲有4個除口罩。
林德信偷影行喺後面嘅林子祥。
好彩唔使埋位影相時，林德信都識得戴返個口罩。
林德信與爸爸林子祥感情要好，除打父子呔外，行動步伐一致。
志蓮景色好靚，唔少網民以為林德信置身喺日本嘅神社。
之前林德信激凸甲板曬太陽照惹來熱話。
Previous Next
疫情肆虐，而且持續擴散到社區，政府收緊防疫措施，包括禁止公眾地方多於4人聚集，並呼籲市民盡量留喺家中，唔好出外食飯。但型男林德信（Alex）唔係幾聽話喎！昨天他喺IG上載相片，留言：「今日帶爸爸去食午飯！美好的一天！」原來係去咗鑽石山志蓮淨苑食齋。

 

林德信與爸爸林子祥感情要好，兩父子夾定打埋同一款領呔，遊園期間並排而行，步伐一致，相當溫馨，但父子二人卻除口罩喺南蓮園池合照留念，其中一張係7個人大合照，超出限聚令人數上限，而當中有兩位女士仲冇戴口罩添。

 

眼見衞生防護中心傳染病處主任張竹君醫生形容𠵱家疫情有啲失控，多次公開呼籲市民冇必要唔好去東九龍重災區，加上7人中有4個冇戴口罩合照，網友指他們防疫意識好低。