湯洛雯着咗男友馬國明至愛嘅卡通人物唐老鴨T後，被講足幾日，不過佢似乎用呢個方法放閃亦樂此不疲，今日繼續放呢輯相嘅食雪糕版，仲寫住：「唔知幾時先可以再出去食雪糕呢？#而家先見到隻豬仔流鼻血#positivevibes#thingswillgetbetter#staysafe#因為冇出過街嘅關係所以都係post同一輯相請見諒」而馬明好識做即時回應，畀咗兩個為食樣嘅emoji，不過今次網友冇再咬住「唐老鴨」唔放，反而將重點放咗喺杯雪糕點解會有兩隻匙羹度，首先回應馬明嘅係老友胡鴻鈞嘅粉絲：「兩隻匙羹一齊食啦！」跟住有網友話：「你睇吓店員好貼心地俾咗兩隻匙羹啦」、「做咩會有兩隻羹㗎 一隻咪夠囉你地兩個用同一隻咪得囉」睇嚟靚湯同馬明呢對，網友仲有排玩！