滙豐銀行自從銅獅去年被人用火燒後，壞消息一浪接一浪，網上謠言傳不絕，近日網上就傳滙豐會在七．二一向大約四百名員工派大信封，重災區係大角嘴滙豐中心。不過，因為是假消息，所以滙豐都好容易應對，發言人回應話佢哋都有留意到近日個別社交媒體的討論，必須澄清，有關傳言完全沒有事實根據。

之不過，滙豐控股成個集團又的確係有個全球大炒三萬五千人的裁員計畫，集團行政總裁祈耀年上月中才發內部電郵通知全球員工，話會重啟早前因疫情而暫停的全球裁員行動，只係唔知香港有無份，若然有份，又唔知香港有幾多員工會受影響。目前滙豐在港員工若計及恒生銀行在內就有大約三萬二千人。