確診新型冠狀病毒的麥德羅與女友劉麗萍（Apple姐），Apple姐旗下女歌手施匡翹仍留院隔離，3人情況均理想。
麥德羅之前情況較差，曾持續發燒及一度呼吸困難，今日一臉精神的他還把口罩退至下巴自拍，及拍下病房內環境及景觀。麥德羅說：「今日我精神好好多，冇發燒，冇嘔冇痾，多謝大家，希望我所有朋友都身體健康，最緊要戴口罩呀出街。」

Apple姐謂：「聽日（24日）會再做深喉唾液測試，佢（醫生）話7日係好重要嘅黃金期，我暫時呢7日都冇乜問題。噚日驗血，今朝醫生睇咗話愈嚟愈好都冇乜嘢，只不過含鉀低啲，所以今日飲咗啲鉀水。」
施匡翹：「我今日都OK，精神好好，我覺得都比之前仲更加好，因為冇乜異樣。醫生睇咗我之前嘅報告，今日都有同我通話，都話正常會愈嚟愈好，見我精神都OK。」