政府已強制市民在室內公眾場所戴口罩，但實政圓桌立法會議員田北辰似乎仍然擔心，因為他說間中在街上見到有人「一戴一露」，口罩遮到嘴、遮唔到鼻；又有人將口罩拉落下巴，食嘢飲嘢，之後再拉返上去，菌都食晒落肚，保護唔到自己之餘，周圍的人更被搞到心慌慌。　　田二少近日就積極落區對街坊「再教育」，用印有自己親自示範的紙牌，提醒大家戴口罩要全遮蓋口鼻先符合「口罩令」，更忌將口罩拉落下巴。他說，明白夏天戴口罩辛苦，但為自己、為家人、為醫護，大家一齊堅持戴好口罩，先打得贏疫情呢場仗。

此外，田二少將於下周一報名參選，在新界西競逐連任。值得留意的是，原本在新界東積極活動、被指有意出選該區的莊豪鋒，將成為田二少的參選名單成員，是否代表實政圓桌已放棄擴展版圖呢？

維港會