愛心翻譯 雖然拍唔成急救戲，但黃榕用心幫喬寶寶翻譯劇本，冧晒。
清涼晒胸 34B戲內黃榕要封胸做救護員，好彩戲外話要着少啲抖吓涼，益吓街坊喎。
保持衛生 食飯前先洗手，喬寶寶倒搓手液畀演員(左起)黃榕、許芯悅、李敏嘉、丘芷微，保持個人衛生。
開工飯盒 雖然只係食開工飯盒，但喬寶寶都相當滿足，因為代表疫情下都有開工。
導演照顧 年輕導演翟艾頓對喬寶寶好好，除咗不停加戲給他拍外、仲「明醒」黃榕給他，可惜最後拍唔成。
徹離疫區 因為隆亨邨出現社區爆發，導演安排寶寶同林偉轉咗場去大圍另一間茶記取景，確保劇組安全。
退休生活 喬寶寶喺蘇格蘭陪妻兒過住半退休生活，兩公婆得閒就去超市購物。
陪吓細仔 寶寶返蘇格蘭定居，行動不便細仔，有得黐住爸爸最開心。
好愛香港 喬寶寶話自己冇政見立場，總之好愛香港。
冇得親熱 TVB力邀他重返，惟一可惜喺TVB咁耐從來冇拍過親熱戲，最多喺《張保仔》度錫過黃智雯隻腳。
好人難做 喺《機動部隊2019》中，寶寶飾演好憎警員的華籍英兵，之後都有舊同事不滿他拍戲唱衰紀律部隊。
Previous Next
新冠肺炎社區大爆發，政府宣布加辣抗疫措施，包括周三起全港食肆禁堂食擴及全日。林盛斌（Bob）昨晚上載一家6口坐喺飯廳開飯情形，留言：「其實冇得出去食飯都好嘅，費事嘈親隔離枱啦...........」

 

片中Bob老婆同4個仔女食飯時，討論議題時你一言我一語，嘈到拆天，基本上聽唔到講緊乜，只係傳來女聲講聽我講先..畀我啦... 唔係呀...大女霏霏激動地講到企晒起身，手舞足蹈，細仔就企喺張櫈度猛講BB話，見慣「大場面」嘅Bob嫂一咪笑笑口，耐心聆聽仔女訴求，Bob卻無奈搖搖頭，冇晒老婆仔女乎。

 

梁家玉留言：「真係好正」、陳詠謙話「好澎湃」、許家傑坦言「日日係咁真係會爆炸」，阿Bob回應係！唔少網友話「笑死」、「攞你命三千」「做完嘢返到屋企，見到咁情景真係人都癲」、「珍惜珍惜，當他們成長後就會愈來愈少」、「三個女人一個墟，何況有四固咁多，細佬明顯輸晒啦！」、「幸福的家」、「bob表情好正」。