有將軍澳街坊日前在Facebook群組發文，表示和女朋友在單車徑踩單車期間，有一名小朋友突然駛出，他急煞停，女朋友則收掣不及而「炒車」倒地，手腳多處擦傷。事後，小朋友與其父親未有道歉，更在沒有關心其傷勢之下轉頭就走，這對情侶直斥父子無同理心！

這位網民在Facebook群組「將軍澳主場」上發文，表示自己日前和女朋友在將軍澳海濱踩單車期間，落斜時前面有個小朋友突然駛出，他緊急煞停後，「女朋友架車就撞咗上嚟然後仆低咗」整個人倒地受傷。從他上傳的照片中可見，其女友手腳多處擦傷流血，單車褲更被擦破，傷口清晰可見。

男網民表示沒有怪責小朋友，但和小朋友同行的爸爸卻沒有作出半句關心說話。「先唔講佢已經行住喺單車路小朋友隔離，睇住佢霸咗半條車路，想講嘅係其實發生咗意外大家都唔想，但係當我女朋友仲跌咗喺度唔郁嘅時候，連途人都過嚟詢問睇吓有冇事嘅時候，轉個頭就唔見咗人。」他表示，不是想追究誰對誰錯，但該位爸爸居然「就咁就走咗去」，男網民直斥對方無同理心，「連道歉都無聲，會唔會真係有點過分…」

有網民表示也曾遇過這些事，「完全明，經過見到不負責任家長。可以給仔女路中心停車，過線，在路中心踏單車，超危險。」、「好多家長當車徑遊樂場都吾緊要，他們沒有控制教導小朋友馬路意識，因為他們都吾當系單車徑。」

另外，也有網民表示有見到這對父子，「同你差唔多時間踩，我都見到呢個小朋友。個大人同個小朋友平排推住嗰陣行條線中間，覇晒成條線，仲若無其事咁，真係服鬼咗佢。」