呢排作為父母嘅，喺疫情下想𠱁仔女開心，真係要紋盡腦汁，前日(28日)就輪到孫慧雪表演，因為佢3歲嘅寶貝仔Riley生日，而呢個廿四孝媽咪唔可以帶囝囝周圍去玩慶祝，但就同老公Edwin夾手夾腳喺屋企幫佢搞咗個好溫馨嘅生日會，成功令Riley超開心，佢仲連髮型都整埋囝囝至愛嘅卡通人物，認真唔話得㗎！阿雪留言：「尋晚Riley開心到唔瞓覺，猛講today is my birthday,今朝又一早起身話：mybirthday～睇嚟真係好開心喎！話說爸爸媽媽之前一晚趁Riley瞓咗，就泵好晒啲氣球收埋喺房；第二日，爸爸帶埋Riley返公司，媽媽就即刻佈置好成間屋，煮埋餐飯，等Riley返嚟！佢開心到飛起！#唔係想買咁多玩具#係深水埗啲玩具太抵#加埋淘嘅氣球#入面仲加咗字條玩篤爆波抽奬#成個套餐#都唔洗1千」