54歲生日前夕處女直播唱歌 幸福溫碧霞獲老公送贈吉普車賀壽
07月30日
Irene過往每年都會舉行生日會,今年因為疫情決定唔搞,今日正日只會跟家人食飯簡單慶祝,生日願望希望家人及所有朋友,愛錫她的粉絲都開心快樂,全世界所有人都身體健康,疫情快快結束。伍仲衡則祝福Irene愈來愈靚及快啲出新歌,他更許下承諾只要她肯出新歌,他就幫她寫歌。Irene曾經出過唱片做過歌星,但Harry聽她唱現場還是第一次,又讚綵排時有驚喜,她唱得好好聽又好認真。
問到老公及囝囝送了甚麼生日禮物?Irene一臉幸福說:「Kenneth送咗架好靚開蓬吉普車,其實只係一份心意,唔係在乎禮物價值,就算係一朵花或者一粒朱古力,我都好開心。囝囝好Sweet送花及畫咗一幅畫,其實只要囝囝生活開心,錫我就已經好足夠。」