新冠肺炎疫情嚴峻，確診歌手施匡翹及其宣傳人員都入過電視城工作，唔少藝人出盡法寶抗疫，而噚晚一集嘅《東張西望》主持人陳貝兒(Janis)及區永權（Albert）就換上最新日本立體透明口罩出鏡，方便出鏡又可以防止飛沫。當晚Janis喺IG發圖文及留言：「世界在變、我哋都在學習適應和面對。」

 

唔少網民讚好兼感興趣，留言：「妳的笑臉再次在節目中重現」、「個口罩真係有用咩？好似膠咁樣，點樣透氣呢？」、「妳帶乜嘢口罩都咁靚」。