第三波新冠肺炎疫情來勢洶洶，各行各業都有人中招。有樂隊成員7月28日確診後，被送入亞博館社區治療設施，更帶同結他、電子屏幕及PS4遊戲機入內，其後8月5日順利康復出院，並在網上講述抗炎經歷，體重更減少20磅。

音樂人「Daniel Kin」在facebook發文，透露他7月28日確診，他稱「其實有咩病徵呢？我親身的經歷是肌肉痛，我仲以為自己拉背拉傷了 去了中醫朋友到針灸，但佢覺得我個病症有點奇怪，去驗一驗照一照比較好，就驗出事了」。他直至8月1日接獲衞生署安排入亞博館，期間通知不要外出，而他也有遵從，而7月30日已經沒有再肌肉痛了。

他又提到，有網民及傳媒指亞博館有人帶結他，他表明就是當事人。他解釋，「沒錯，仲有邊個咁痴線會真係彈結他，呢個痴線佬咪就係我囉…但我需要保持住作為結他手需要的技術，我唔止結他，仲帶了17寸的Mon和PS4」。

他透露，在亞博館內，「去個廁所都要行五分鐘，定時會開咪叫大家攞飯，午餐晚餐有三款選，比一般醫院飯好吃好多架啦。沖涼有臨時搭建的沖涼房，沒有沐浴露沒有大家關心的番梘。睡覺的位置如大家睇新聞一樣，沒有一點的私隱，甚至女廁近我個床位，成日都有女病人路過。 全場靜到一個點，其實只要大叫一聲，就全世界都聽到」

他直至8月3日接獲醫生通知X光片照到肺有點花，病情轉趨嚴重需要送院，他甚至擔心自己會不會死。他於是登上救護車由亞博去觀塘聯合醫院。在救護車內等37分鐘，終於獲安排上隔離病房了。他形容，「果一刻覺得，全世界都怕我，除了死，我已經沒甚麼會輸了吧」。

當晚安頓了一切後，他獲護士分發病人套裝，有沐浴露、洗頭水、牙刷、奶茶咖啡，於是往洗澡。洗完澡後更在未有院友的二人病房內打機。