住同一屋苑左鄰右里都要互相遷就，不過遇到鄰居是「投訴狂」，就令人哭笑不得。有將軍澳街坊日前就被對面大廈住戶投訴，指他家燈開得太光，射到對面，而事實是不過開了一盞桌上檯燈，令他無奈稱「以為我開咗射燈」。

有街坊在「將軍澳主場」Facebook分享「笑話一則」，他表示自己住煜明苑，近日居然被對面樓投訴，指他晚上在客廳開檯燈，射到對面影響睡眠。而他其後再上載相片，只見這盞光猛射燈的真身，不過一盞小型桌上檯燈。街坊表示自己平時都會把燈向內，不會正射窗外，「唔講我以為我開咗棧射燈」。

網民都哭笑不得，直言香港是「投訴之都」，「佢吾見得光」、「快啲買盞再光啲」、「咁勁呀？咁我搬去你對面咪慳返好多電費？」另外亦有網民分享各類「騎呢」投訴，「我住個到聽到有人投訴個噴水池太陽射落去啲水，啲光射親佢」、「我不常在家，被樓上投訴我冷親佢地板出晒水」。