多個政黨要求政府推出「港版健康碼」，讓檢測陰性的市民使用健康碼進出餐廳商場等公眾場所，不過敘福樓主席及行政總裁黃傑龍於Facebook專頁指出，港版健康碼構思中的做法與內地健康碼實際操作、性質不同，不願意將手機GPS定位交予平台作風險評估，並引用醫生梁子超所言「港版健康碼」是「天方夜譚」。

黃傑龍稱，聽收音機訪問「佢（呼吸系統專科醫生梁子超）直頭話係天方夜譚」，於是他解釋，「咁天方夜譚嘅嘢咁點解14億人口的大國中國又會用得咁成功呢？」，他指出 「中國內地的『防疫健康信息碼』根本就唔係講緊呢樣野」。

黃傑龍指出，內地的「防疫健康信息碼」是一個程式，最多人用就是微信、支付寶版本，是一個動態的巨大數據平台，絕對不是檢驗了就可以得到一個健康碼。

黃傑龍指，內地民眾大部份情況下根本無需要做檢驗，主要是通過手機定位訊息，檢查是否為新冠肺炎確診或疑似患者、是否為同行密切接觸人員、近14天境內外到訪地、入境人員信息、入境同乘情況等信息，「從而發出一個即時嘅風險評估俾你。 所謂的綠色碼就係『未見異常』咁解」。

黃傑龍明言，「香港而家實在太政治化，乜嘢都係簡單地立場化機械式支持或者反對，其實根本大家都唔係講緊嗰樣嘢」。他質疑，「香港有冇可能短期內可以建立到一套實名制大數據平台，所有人都唔介意將自己手機嘅GPS定位及有關訊息交俾呢個平台去評估風險？ 淨係我都唔制啦」。他重申，內地的綠色碼不是檢驗一次陰性然後打印一個碼讓市民四圍走，而是一個動態的大數據、每15分鐘更新一次的超級平台，對推出不看好。