新冠肺炎疫情持續，入境來港受到各種限制，間接令本地市場的外傭需求大大增加。過去幾月不少僱主紛紛在網上投訴，現時外傭會視乎條件去選擇是否簽約，更有人試過傾好條件到最後被「放飛機」。

近日有僱傭公司在廣告上列出一系列所謂「擇偶條件」供僱主參考，以便他們更容易在這段非常時間聘請工人姐姐。但帖文一出後即惹來不少人批評。僱傭公司所列出的條件包括：

1. 要有獨立房間，僱傭公司指獨立房可以令外傭覺得有隱私，如果再有獨立廁所甚或可以加分。

2. 僱傭公司指僱主可提供的底薪最好有$5,000以上，不過他們指，斷約本地工人有機會可以傾到$4,630左右。但又指見過有僱主出$6,000，都被外傭一口拒絕。

3. 工作條件最好不包括照顧老人家。

4. 不要有share work，因為大多外傭對此感到抗拒，普遍拒絕率達90%以上。

5. 家庭中最好只要有1個小朋友，而年紀最好就少於5歲。因為如果數量多於1個，年紀又細過5歲，外傭就有機會要考慮一下。

不少人批評這些所謂條件「不知所謂」，認為如果家庭條件好的話，根本不需要聘請工人打理家頭細務，「寫啲咁嘅嘢係咩意思，鬼唔知筍工多人爭？要你講嗎？咁請工人係咪即係要換樓，送老豆老母去老人院，送細路去保良局」、「如果1-5都符合到的話，我應該唔洗請工人啦」、「咁好條件使唔使請你呀」。