現年38歲的「人妻」孫慧雪，婚後育有可愛囝囝Riley，又有老公愛錫，自然有「幸福肥」。但，即使做咗師奶都愛靚，雪雪的起心肝嘗試以半生酮飲食方法減肥，結果一個月激減瘦10磅，連3歲囝囝嘅衣服都着得上！最重要係，33C「魔鬼身材」仍然保得住，葫蘆身材弗到漏。

 

昨晚她喺社交網分享成果，相中她穿了Riley嘅tee，大晒小纖腰，不過上圍就明顯迫爆，連圖案都big到變咗形！她並留言︰「減肥嘅其中一個好處，就係可以同個仔share衫著(着)，年中都慳唔少！！#減肥好處多#有冇媽媽同我一樣#攞個仔啲衫著#一起加油」，唔網民表示驚訝，取笑她小心整爛囝囝件衫、心口好大、噴鼻血…連節目《姊妹淘》拍檔莊思敏也留言說孫慧雪「太過份」。亦有唔少粉絲大讚她仍然係女神，人人嘅女神！

 

原來孫慧雪產後體重試過升至147磅，最後努力節食與運動，體重回落約120磅。孫慧雪減肥期間要大量減掉澱粉，以蛋白質為主，配上大量蔬菜。晚餐時會多吃海鮮，偶爾也會煎牛排和雞柳，同時戒甜，唔食高糖分水果。