哥哥張國榮的歌聲絕對經得起時間的考驗。
哥哥於1999年簽約環球唱片，加盟後首張大碟《陪你倒數》，跟早在新藝寶時期已合作無間的梁榮駿合作。當知道有機會重製哥哥的經典作品，梁榮駿百感交集，「Leslie在錄音室準備十足，通常唱了4、5個take已好完美，有些聲音(Vocal)可能在正式錄製時未有用上，但其實已經唱得很好。」梁榮駿在過往的錄音聲帶中，意外發現了當年哥哥錄製《春夏秋冬》時，有另一個版本未有選用，於是今次新版《春夏秋冬A Balloon’s Journey》用上這個從未曝光的聲帶。對於能夠重遇哥哥遺珠出土的錄音，令Gary莫名感動，「其中一句歌詞是『天空多灰我們亦放亮』，再聽著 哥哥的聲音，有種恍如隔世的感觸，製作時自己更是幾度落淚。」
盧冠廷亦憶述哥哥的往事：「哥哥係一個非常有才華嘅人，我同太太曾跟佢及梅姐（梅艷芳）食飯，當時大家有講有笑，佢好健談。我好榮幸曾跟為哥哥作過兩首歌，一首係《永遠記得》，另一首係《你在何地》。記得1988年我喺叱咤頒獎禮獲獎，我當時唱《但願人長久》，哥哥坐喺第一排，好清楚見到佢睇住我唱歌，佢嘅的眼神講畀我知，佢非常欣賞呢首歌，而佢後來亦翻唱《但願人長久》。」
