疫情下市民都提高防疫意識，尤其炎炎夏日更容易滋生細菌。不過元朗一間生果檔，就被發現將垃圾隨處丟在馬路旁，令街坊擔心有傳播病毒風險，多次向相關部門投訴，但情況都未得到改善。

網民在「我食在元朗。你卻在大牌檔」Facebook群組發帖，指元朗一間生果檔將馬路旁當成「專用垃圾收集站」，「阻住條行人路已經唔在講，將自己舖頭啲垃圾就咁掉喺馬路邊，夏天30幾度晒到發臭，惹蟲惹病係咪佢負責？」只見大批膠帶、膠箱被抛在路邊，垃圾箱也堆至滿出。

網民呼籲街坊們幫忙投訴跟進，但有街坊留言指，過往也投訴過，但都未得到跟進。不少網民都批評生果檔自私，「一檔比一檔衰」、「成條街佢地咁」。