細So曾於2016年夥拍陳詠謙為ViuTV歌唱比賽《ShowTime我主場》擔任主持。
Macy稱無悔跟細So一齊,仲話真心希望自己是對方口中所講的「唯一嘅快樂」。
Macy強調夫妻感情生變,絕不是因細So的介入。
Macy向蘇太阿Wing道歉,自己亦感到內疚。
細So在認識Macy前跟另一女生有染,因而中了HPV的Macy大爆對方曾偷嗒「自己主持嘅節目一個參賽者」。
Macy曾覺得細So肯對她坦白,以為對方會為自己改變風流個性。
Macy主動聯絡蘇太,要求對方幫忙勸細So放手,她指對方只已讀不回。
與細So初相識時,Macy已獲身邊好友提醒過對方的「花心過往」。
擁一雙白滑巨乳的參賽者張紫語成為最大嫌疑人!
Macy接受本報獨家訪問時,繼續揭開「花心So」真面目!
31歲的張紫語也是已婚人妻。
Macy表示已獲中醫老公原諒。
Previous
Next
前商台DJ蘇耀宗(細So)驚爆背妻偷食KOL「阿B」兩年半,前晚35歲的「靚媽KOL」練美施(Macy)向傳媒親認是偷食女主角,仲大爆細So要求幫手呃蘇太陳穎楠(阿Wing)成年冇見又冇租過炮房,她痛斥對方從來冇講真話承擔責任,又暗示自己曾為細So做人工流產手術。以為「毀滅式」爆料就此結束?No!事後Macy接受本報獨家訪問時,繼續揭開「花心So」真面目!
談到兩人展開戀情的經過,Macy透露在正式拍拖前的幾個月,細So開始Like及Follow她的社交平台,當時她亦有向朋友講笑稱「覺得好奇怪」。問到細So做了哪件事覺得最感動而決定一齊?她僅答太多,未有詳細交代。那麼認識前對細So的印象如何?她直言:「無咩印象,但身邊有朋友認識,有提醒過我。(提醒你咩?)佢嘅過往。(花心?)嗯。」
追問細So是否貪新厭舊?Macy續道:「只可以話當我發現HPV,佢坦白承認佢同我一齊之前同之前自己主持嘅節目一個參賽者有發生過,但同一時間其實我都喺另一啲人口中聽到同一件事,Plus其實再早之前已經都聽過其他,不過覺得佢坦白咗,覺得佢係想認真交往。(明知佢花心又有老婆仲開始?)因為覺得佢係認真,佢坦白承認,覺得佢會為自己改。(細So朋友知道你存在?)佢話佢無同人講,所以我唔知。」