國慶中秋連放四日長假，公務員事務局局長聶德權分享兒時慶祝節目是「煲蠟」，但「煲蠟」現為犯法行為，現在就改為「煲劇」。三耳局長話比較喜歡的劇集有內地嘅《瑯琊榜》、《慶餘年》等，而外國劇集就有《指定倖存者（Designated Survivor）》。

近期疫情緩和，局長亦終有機會踏入戲院，分別睇咗《天能》同《麥路人》，笑言係「報復性」睇戲，近年亦睇過《淪落人》、《翠絲》等本地製作。

三耳局長又提到，不少公務員同事都需要在假日緊守崗位，繼續為市民服務，感謝同事令社會在「新常態」下正常運作。佢亦希望大家趁住佳節，向身邊親友傳達心意同問候，祝願大家人月兩團圓！