觀塘區車多、工廈多、地盤多已是老問題，有網民在facebook專頁「奴工處」發文慨嘆近日確診肺癌要急急辭職養病，懷疑是在觀塘工業區上班12年，長年累月下空氣污染導致身體轉差患癌，引來網民熱議。

網民透露，之前在觀塘鴻圖道返工12年，每日返工搭地鐵放工搭巴士。去年10月覺得有時唞不到氣兼背脊痛，於是前往求醫。醫生覺得不尋常，於是轉介去照肺片，結果發現確診肺癌第二期。

網民引述醫生指，「觀塘啲空氣好毒，好多Case都係觀塘返工」，網民慨嘆不煙不酒都生肺癌，現在只好辭工専心養病。

有網民留言指，「細時好怕搭巴士經過鴻圖道一帶，果啲染布、工廠噴出來廢氣好難頂， 希望樓主早日回復健康。」、「我返咗呢區，我啲氣管就差咗好多」。有肺癌三期再復發者留言，認為是「不幸中的大幸係你有徵兆，好多人係晚期先有病徵...至於地方除非你住大澳做漁夫，否則香港避得去邊」。

國際癌症研究機構在2013年10月已經把戶外空氣污染列為人類致癌物。