第四波疫情爆發，本港接連有多間餐廳食肆爆疫，令市民人心惶惶。近日網上流傳一張相片，有市民在餐廳用膳時出動高度防疫法寶，竟用超大膠袋笠住全身，令網民笑爆之餘亦感到悲哀。

網上流傳一張相片，影到一間餐廳有一名市民正在食飯，用超大膠袋由頭罩住全身，連餐桌上的食物也一併笠住，高度防疫引人注目。不少網民都笑言誇張，「咁驚做乜行出街」、「雖然誇張，但我欣賞佢保護自己唔理人點睇。起碼佢唔想冇口罩情況下噴飛沫」。

不過也有網民感到心酸，「其實好悲哀，保護自己，保護家人，真係好大責任」、「第一眼覺得幾好笑，但係諗吓佢可能有苦衷要喺街食先會咁做，可能係一個養全家，唔病得，所以要咁去保護自己」，亦有人指相中人似穿著員工制服，可能是餐廳職員。