疫情令的士司機生意大減，不少司機都出盡奇招增加生意額，但有名司機竟然做了一單蝕本生意，更表示自己「豪得起」，引起網民熱議。

該名「豪得起」的士司機昨早於Facebook群組「的士司機資訊網 Taxi」上分享工作的經歷，指日前有兩名大媽及一名年輕男子於城門水塘上車，一上車就問「荃灣有咩巴士番元朗」，的士司機遂回應指有巴士「但幾多號唔清楚」，及後另一名大媽將電話展示給的士司機，並稱要到城隧轉車站，但因隧道不能下車，最終將目的地改為瀝源巴士總站。

惟當的士駛入城隧時開始跳錶，兩名大媽竟然不斷嫌貴，「個錶跳多兩下，越鬧越大聲，話要係管道落車」，司機拒絕後，大媽突反口稱無話過去沙田。

兩名大媽不斷叫嚷之際，的士已駛近瀝源，此時司機忍無可忍，「我話你唔滿意我車返你返水塘啦，唔等佢答扭軚回程」，司機更指自己「全程我一毫子都冇收佢，我豪得起」，又批評「冇錢就咪搭的士啦」。

帖文引起不少網友留言，有網友批評乘客「一百幾十都出唔起既話，叫佢行路落山就啱」，又有人大讚「師兄，送返原地，夠豪氣！」但亦有不少網友認為司機無做錯事，應該照收錢「無做錯野都唔收錢？唔計時間、油錢都蝕隧道費啦」，擔心會「縱壞橫蠻無理乘客」。