老人家在煮食方面總有自己的一套「秘方」和心得，但當中可能隱含謬誤。有網民就發帖求問發霉的淮山能否食用，因為老爺奶奶說，有些食物是專門要發霉才食。帖文嚇壞網民，連食安中心也專程留言，提醒大家千萬不要食發霉的食物。

「Day Day Explode 日日爆」Facebook專頁刊登一幅網民投稿的相片，「好明顯我都唔識啦，請問大家有冇食物係真係要咁樣處理先食得？」相片中的淮山已生滿霉點，但奶奶說只要切掉發霉的部分就可以食，「話我唔識嘢同幾億開頭，千祈唔好扔，話街市都係咁賣俾人」。而網民的老爺更幫口說，有些食物是專門要發霉才食，講到「似層層」，令網民非常疑惑。

帖文引起熱議，有網民笑言「齋睇相，我以為係一餅製作中嘅藍芝士」、「佢哋當咸魚、臭豆腐咁，越霉越有咸香味」，有人就立刻提醒「食發霉嘅食物會容易引致癌症，慳咗唔夠醫病」、「植物類其實表面有霉菌，切走後都有霉菌」。