孩子的路，理應由孩子選擇，而父母的責任，就是輔助孩子走自己想走的路。有中學生在facebook專頁「名校 Secrets」投稿，表示自己DSE考獲31分，成績能入讀自己心儀的學系，但父母希望他能讀醫科，迫他重讀中五，他慨嘆現在讀得很辛苦，不知怎算好。

這名中學生在帖文中表示，自己DSE考獲31分，坦言「自己想入嘅科基本上都可以入到」，可惜家人只希望他讀醫科，迫他重讀，他表示現正在某私校由中五開始重讀，「讀到好辛苦，可以點算？」

網民紛紛表達意見，大部分人認為自己的路應該由自己決定。「意見可接聽及考慮，但最後你自己分析後，應該行自己喜歡及實際的路」、「你係咪真係想做醫生先？ 定係你屋企人想做？ 做醫生為咗咩？ 有光環？定懸壺濟世？一念之差可以救人亦可以害人」。

有正就讀醫科的學生分享，「身邊有啲同學都係屋企人逼佢哋讀醫科，眼見佢哋有啲徘徊及格邊緣，有啲甚至要留級。其實俾人逼就算俾你入番醫科都好難有動力讀足6年加一年實習。建議你同屋企人講清楚，唔想你成為受害者。」