ViuTV真人騷《家務戰場》找來Rose Ma（馬俊怡）、陳婉婷（Hebe）、王頌茵（Kathy仔）、邱晴、貝依霖和伍詠詩 6位「世界級港女」挑戰各種不同嘅家居任務，經過7日嘅地獄式特訓，佢哋表示已「技能Up Up」好識做家務，仲話隨時嫁得人喎……　講到咁叻，《頭條娛樂》梗要Test吓佢哋係咪成功由「媽寶」蛻變「必娶女人」啦，於是我哋安排咗３個大挑戰，包括批蘋果、唔用手掌掠衫同瘋狂揈甩Memo紙，考考6位識唔識照顧人同體能。今次佢哋分成兩組「超級無敵sss」和「喵」，輸咗嗰隊將要接受尷尬到爆嘅「扮女僕賣萌」大懲罰，所以佢哋都玩得既投入又賣力，為求勝出，貝依霖更不惜騷靚腿用腳趾摺衫，擁34D巨咪嘅Rose Ma亦施展渾身解數彈彈吓，將成身Memo紙盡力揈走，而對家Hebe就揈到變「貞子」！正所謂「三個女人一個墟」，呢度6個女人兩個墟，比賽過程唔只瘋狂尖叫嘈到拆天，仲勁唔聽話瘋狂出貓，場面非常混亂！

溫馨提示：各位觀眾去片嘅時候，記得校細個喇叭先呀！