許志安、劉浩龍今早（18日）率領「太陽娛樂文化」一眾師弟、師妹：陳漢娜、蘇皓兒、馬志威、楊柳青、鄭嘉欣、灰熊、KB、Chris Collins等出席新春團拜，期間灰熊與KB更親自上陣舞獅助興，氣氛熱鬧。

眼見許志安身形Fit爆，原來他過年前已努力做足修身準備，他說：「知道新年一定有好多嘢食，例如盆菜、蘿蔔糕，所以過年前已Keep Fit做運動，留定Quota畀自己，直到噚日，我覺得要跑番步，唔可以再食喇！」許志安說因疫情關係未有出外拜年，只透過視像跟親友拜年。提到牛年大計，安仔希望可作多方面嘗試，尤其是作曲，他謂：「新一年想試吓拍劇、作曲，自己唱咗咁多年歌，但寫歌就唔多，最近鍾意練電子琴嘅時候作曲。」