本港新冠肺炎疫情反覆，每日確診數字時升時跌，市民對於個人及環境衛生仍然重視。有網民早前發現，北區一間食肆門外竟放了一板「無遮無掩」的豆腐，令人擔心食物安全問題！

有網民早前在社交媒體Facebook群組「北區之友」上載圖片，指昨日早上經過粉嶺華明邨一間餐廳，因餐廳未能在營業時間外收貨，最終一板本來新鮮送到的豆腐，就只能被直接放在店門外的地上，苦苦等待未上班的員工。樓主形容，那些豆腐已「出晒水」，而且不知道要等多少個小時才會有人收貨，令人憂慮那些豆腐是否可以安全食用。

網民看到後，都紛紛表示不安，「唔應該無遮無掩，有人玩野，吐口水吐痰落去點算」、「保鮮紙都冇一層.... 人行過啲沙石 呀伯吐痰 直食」、「咁樣送貨送門口真係恐怖」、「食物根本就唔應該放喺地下，更何況是製成品」、「大腸幹（桿）菌撈豆腐」。

不過，亦有網民表示見怪不怪，「凌晨落華明落貨區地下都有幾板豆腐，有個阿叔朝朝帶隻唐狗，隻狗會係豆腐隔離痾尿，豆腐咁樣放已經幾十年，係咪未見過大蛇痾尿」、「其實好多間都係咁」、「食肆不嬲都係咁㗎啦」、「送餐廳麵包都係」。

「北區之友」Facebook原文