馮盈盈堪稱近年的「話題女王」，無論抽水抑或自抽的功力一樣深厚，經常為網民製造一地「花生」！日前她與江嘉敏的「破冰」合照成功製造不少話題，更惹來「機心女」的Filter及P圖疑雲，盈盈昨晚即以Filter為題出帖，硬銷其個人頻道短片。
盈盈留言：「Shut Up！呢輯令人差啲認唔出我嘅相，但最強filter一定係高超的化妝＋髮型＋造型＋攝影，合力將我改頭換面，打造出破格、令你耳目一新的Noir。FYY！大家咁想知道我執自己個樣執得幾重手？去我channel睇片啦」。只見馮盈盈化身「黑魔女」，與平日甜美形象截然不同，更「盡地一谷」逼出3吋「事業線」。
網民對其造型有彈有讚，留言「靚抽」、「嘴唇中咗毒」、「黑白配好型」、「都係甜美風格襯你啲」、「黑色唔襯你呀」等，更搞笑她貼的3個Post，網民分別指她似袁詠儀、伍詠薇、蔡思貝、譚玉瑛、郭少芸等。