2歲女港鐵扭計疑版拍片，港媽無奈表示要公審都無計。資料圖片
有港媽昨日在fb專頁「巴打絲打13親子育兒Facebook Club」發文，指帶2歲女兒搭港鐵，本來只是坐轉車坐一個站，但女兒一上車便想周圍跑，港媽制止後女兒不斷扭計，「講極都唔聽，又氹過佢都係冇辦法，次次坐車都係咁，好難搞。」她指自己已經盡量哄女兒令佢安靜一點，但女兒仍然扭計。
後來丈夫竟說：「快點搞掂佢啦，好似有人拍緊片。」港媽非常無奈，「我都已經氹緊佢真係無辦法，佢要拍片公審我唔識教小朋友都無計，我唔係想我小朋友咁嘈騷擾到人，我真係有盡量氹緊佢但失敗。」港媽慨嘆女兒每次坐車都不會坐定，向網民求救有甚麼方法可以讓女兒安靜下來。
有網民建議媽媽不要放棄。「繼續扭就唔好上車，我覺得小朋友好識試大人底線。」有媽媽同意，「一定同囡囡玩持久戰。上車前，講明要準備坐車。坐車唔可以跑，叫，但可以講嘢。講明一跑或叫我哋就會落車企到你冷靜。如是者，可能幾次之後可能有改善。」
另外也有媽媽建議，平時都要同佢玩一些坐定定的遊戲，「買多啲童書陪佢睇，培養下佢坐喺度觀察。平時出街都係，一扭就返屋企，返唔到都落車搵個少人位置坐低，同佢講因為佢扭計之後嘅目的地改變咗。」
資料來源：巴打絲打13親子育兒Facebook Club
