滿月快樂！原子鏸（Marsha）上月為摩洛哥籍老公Mehdi El Ajimi誕下混血萌B Matys El Ajimi，正式晉升人母。適逢囝囝滿月，Marsha一家三口帶同愛犬影全家福，期間Matys不時對著鏡頭放電，融化全場女心，就連Marsha也被囝囝冧爆：「雖然瞓得唔係幾好，但每一次望到佢，我就覺得一切都好值得，因為佢真係好得意。」
初為人母一個月，「新手媽媽」Marsha自言不覺辛苦，並透露現時哺餵母乳：「對我嚟講係一份好美麗嘅回憶，因為可以同BB更加親密，呢種感覺真係難以言喻，只有做人媽媽，先會有呢份體驗，不過BB依家成日肚餓，所以都有啲難湊。」為了讓Marsha適時休息，老公主動舉手輪更，令她好不感動：「佢幫咗我好多，大概每晚9點到凌晨2點就會輪更，幫手餵奶、換片、抱住BB𠱁佢瞓覺，佢真係一個好好嘅爸爸。」