林作與鍾培生的「百萬擂台戰」將在9月舉行，不過二人尚未開打，就已經由「單挑」變成「圍毆」。事關鍾培生早前「辣㷫」了網台「喱騷」的主理人杜汶澤後，落選港男梁裕恆（Flow）亦主動宣布加入戰場，出100萬零一元兼「讓單手」打鍾培生！

鍾培生未與林作開打，便四圍辣著火頭。著名娛樂評論家梁裕恆表示「睇唔過眼」他「以為有少少錢喺香港就惡晒」，於是在其Facebook專頁下戰書，揚言出100萬零一元、不戴頭套兼「讓單手」，希望在下月與鍾培生一戰，「K唔KO到要睇佢敢唔敢打」。

梁裕恆又指，鍾培生用錢侮辱「讀書人」林作，希望他可以取消拳賽，「我相信林作唔在乎呢一百萬，心裏面亦一萬個唔想打，留個言就話要俾你打你咪好惡？但你呢個無品嘅『有錢仔』咁樣踩到上心口亦冇辦法唔應戰，林作係想代表平民發聲！」

資料來源：「私人健身教練Flow Leung」