馮盈盈有份在TVB「超級綜藝　隆重登場」記者會上，向扮「薑蓉」的鄧智堅說：「你夠膽嚟踩場？」引來「姜粉」鬧爆。
今日盈盈在社交網自爆是MIRROR粉絲，並上載與姜濤合照，以及支持MIRROR的短片，留言：「呢個moment我要爆喇！其實我嘅真正身份係追星族，我一邊努力撲緊Mirror演唱會飛。一邊努力捍衛姜B喺我心目中嘅形象，嗰啲什（甚）麼姜（薑）蓉！？就算再扮得幾盞鬼，就算再向我姜B致敬，就算香港人再多幽默感，都接受唔到囉！今晚我實打多兩碗姜（薑）蓉撈飯食，咁先吞得落。呢啖氣，無咩事嘅話，我出番去撲飛，有無人有多3張Mirror演唱會飛俾（畀）我？我助手同佢朋友都想睇。」
雖則盈盈自認「鏡粉」，但仍不獲得粉絲原諒，更被網民不停留言鬧爆說：「攞姜濤嚟呃like真係第一次見」、「兜得好肉酸」、「公關災難係咪好難拆呢？PR繼續努力！」