名模Jessica C.（JC）同老公安志杰一家四口去美國避疫一年多，上月初終於回港。今日係JC的33歲生日，估計一家四口會食餐好嘅慶祝。壽星女尋日就Po咗段片同32歲講拜拜，段片背景係一條樓梯，着住白色短tee露臍嘅JC對住鏡頭扭身扭勢，配合姣姣哋表情唔太知佢想表達乜嘢，然後又突然坐喺樓梯腿張開，成件事相當詭異。