歐陽震華（Bobby）現身薛家燕主持的新城電台節目《開心大派對》為TVB劇《伙記辦大事》宣傳。Bobby表示早前在內地酒店接受隔離時做健身運動打發時間，不過回港後太太、工人姐姐每餐煮好餸，每日只食、瞓、屙，但自己身形不可以瘦，因為變瘦別人會以為他有病。他說：「我打咗科興疫苗，但點解打呢隻呢？因為適合東方人的身體，西方嗰隻就留返西方人。」他透露7、8月會到內地橫店拍攝網大《洗冤錄2》，又讚內地疫情清零做得好。
家燕姐笑指Bobby是大忙人，又要打疫苗，全家打晒，又讚對方是福將，褔到上大陸。問到被稱為褔將的Bobby，可會參與TVB綜藝節目與Viu TV對撼？他說：「唔好講打仗，各有各做。」在旁的家燕姐則認為百花齊放，良性競爭。至於早前他指不認識ViuTV，他解釋當時被問友台，但他出身80年代的演員，就以為ATV。他說：「我講完俾人詐型！個個台都為收視，呢啲都炒作嚟，良性競爭好事。」他笑言被問的問題，帶他入犯錯位，下次會小心。