45歲前亞姐韓君婷(鬼妹)爆出因欠債40萬元，早前申請破產。她自辯因為早年要照顧患病母親，支付龐大嘅醫藥費才欠債，直至母親身故後，遇上疫情搞到失業，冇力抵債。幸而同係亞視出身嘅「六合彩之子」蔡國威有情有義，知道她處於谷底狀態，兩年前提出同居，入住他喺新蒲崗嘅公屋以減輕她生活負擔。君婷當時向記者稱讚蔡國威係個有情有義嘅朋友，感謝對方近兩年嘅照顧，兩人更一度傳出緋聞。

不過，近日兩人關係突然出現變化，今年1月中韓君婷向法院申請破產，之後又突然搬屋，有指韓君婷申請破產曝光後，蔡國威便問追她：「你究竟幾時搬走？」她嬲到喺好短時間內急急搬走，同時又澄清兩人「同居」關係，她只係瞓梳化做廳長，且不是白食白住，除有負擔家務，每月更有畀4位數字金額幫補家用，絕非貪小便宜，又話不想再被抹黑，再講大話去包容傷害她自尊嘅人。𠵱家搬咗出去獨居好自由，唔使再睇人面色！