唔少藝人藉著母親節晒同媽咪嘅溫馨合照，不過，28歲嘅「宅男女神」樂宜就「突破盲腸」，喺社交網用性感泳衣照嚟吸睛，除大派「倒奶」福利，仲玩埋「除褲」，背住鏡頭除去熱褲，除淨條桃紅色三點式小泳褲，大晒心形蜜桃臀，加埋誘人動作，令人想入非非。

自去年尾樂宜公開認愛，翻撻眼鏡店富二代，她不時進駐男友位於沙田市值逾3,000萬獨立屋，喺泳池暢泳，大晒34C、25、34的完美身段。呢輯火辣辣嘅三點式靚相，估計係由男友操刀，雖然她以素顏上陣，留言：「唔戴Con，唔化妝，爽！」但網民梗聚焦喺佢索爆身材上，化唔化妝都唔多care啦！