呢排香港好熱又曬，好多人都匿喺屋企涼冷氣唔願出街，53歲的「玉女掌門人」周慧敏（Vivian）就冇俾猛烈太陽嚇親，入咗元朗花田睇向日葵，佢留言話：「到了信芯園一行，確是一趟洗滌心靈的小旅程，讓我想到聖經裏面的伊甸園。」見佢係咁影相，由下畫影到黃昏，天色好靚，配上掌門人一身白衫白裙加黃色向日葵，張張都Wallpaper級數，望多兩眼，咦，啲相全部都只係見Vivian嘅右側面，呢個角度靚都唔使張張都係啩。