余曉彤（Hidy）、周國賢、倪晨曦昨日齊參與環島跑挑戰，發揮自身影響力，呼籲大家一同加入守護海洋的行列，透過跑步去喚醒更多人對海洋塑膠垃圾的關注。Hidy由赤柱出發，環繞港島成功於9小時內完成55km距離，直言非常感動，雖事前做足準備工夫還是差點中暑，又透露獲陪跑朋友及工作人員封為「勁抽女俠」，亦希望日後可以「母女檔」齊挑戰︰「囡囡好鍾意海，細個已跟我一起做沙灘清潔，有海洋保育意識，佢知道我參加呢個挑戰好興奮，問可唔可以下次帶佢去跑，希望等佢大個啲，試一次一齊環島跑。」