衛蘭接受TVB娛樂新聞台節目《StarTalk》主播許文軒專訪，大談推出治癒系專輯《It’s OK To Be Sad》感受。Janice感恩被稱「治癒系」歌手：「我覺得呢個就係我嘅使命，做一位歌手係好希望可以透過音樂幫到人，就算只係幫到一個，我都已經成功咗！」她亦希望透過點題作品鼓勵大家，有不開心要釋放出來。

衛蘭直言不開心時，身邊有班好姊妹與她傾訴：「王君馨會畀好多意見我，好有用，佢要求好高，例如提醒我著衫方面點可以好啲，企喺台上點先會有氣勢同靚啲；鍾舒漫同鍾舒祺係好搞笑，每次同佢哋傾偈，好自然就會咩唔開心嘅事都會唔記得；我會主動問我妺妹Jill衛詩意見，佢會畀啲方向我，畀我一啲肯定，令我下決定時會更加有信心。」

對於成為《聲夢傳奇》導師，衛蘭自言也會從中學習，說：「見到學員上台有勇氣、有信心，佢哋感染到我要進步。評判畀嘅意見，都會令我反省自己嘅表演、唱功，令自己都留意返，所以好感恩有呢個參與機會。（落場比賽緊張？) 會呀！作為導師上台走音同甩拍子會俾人話，所以好緊張，但係我想講老師都係人，某啲日子都可能會唱得唔好，不過一定要盡力做到最好！」