Bob一向錫到孻仔Jaye燶！
翟伯伯向媽咪耍冧，指眼裏只得蛋糕。
Coffee晒一家三口溫馨照， 殊不知兩父子「自私」偷錫。
最後Coffee與囝囝一齊向壽星翟志榮（中）獻吻。
兩父子甜蜜咀嘴，搞到Coffee勁呷醋。
一開頭Jaye好怕醜地拎自己幅畫畀爸爸睇。
Bob一睇到即扮驚訝掩嘴兼吊高八度說：「嘩！咁靚嘅？！你畫㗎？」讚到囝囝都勁唔好意思。
Bob的浮誇演技贏得網民讚賞，仲封他為「最佳男主角」。
Bob向鏡頭展示囝囝畫作。
Jaye冧爆挨落爸爸身上。
Bob睇到囝囝畫作即爆發「神級演技」狂讚！
Previous Next
一班「星級B仔」真係好可愛！所謂「孻仔孻心肝」，2017年終於追仔成功的林盛斌（Bob），可謂錫到個細仔林道申（Jaye）燶，仲不時於社交網分享囝囝萌照與生活點滴，今日他又於IG上載了一段影片，片中一開頭Jaye靦腆地拎住幅畫衝向爸爸，然後彈彈吓向爸爸表示：「我自己（畫）㗎！」語畢Bob即爆發「神級演技」瞪大對眼，並一邊扮驚訝掩嘴一邊高呼：「咩話？唔係呀嘛！嘩！咁靚嘅？！你畫㗎？你講真定講笑呀？」

結果讚到Jaye都勁唔好意思趴喺張枱度答：「講真㗎！（Bob：你有冇講大話㗎？）唔係啦！」接着Bob再加多兩錢肉緊說：「嘩！好靚呀大佬！好誇張呀！黐線！嘩！你超勁囉！」見爸爸咁欣賞自己的作品，Jaye都情不自禁哄埋Bob度獻吻，但當下Bob冇為意擰歪面，繼續「鑑賞」囝囝的大作，又「Dum」晒腳一輪嘴讚：「好犀利呀！係黑色嘅彩虹呀！」Jaye就冧爆挨落爸爸身上。