年屆89歲的胡楓（修哥）昨晚登上紅館舉行《胡楓約你開心派對2021》演唱會，正式打破在紅館舉行演唱會年紀最大的歌手紀錄。多位圈中人到場支持，當中包括：姚子羚、方國珊、顧紀筠、李浩林、丘凱敏、麥景婷、盧海鵬、李琳琳、陳淑芬及老公、曾江、焦姣、余安安、李寶安、蔡一傑、梅小惠、梁家樹、梅小青、劉家豪、廖安麗、陳敏兒、賈思樂等。
修哥以《情花開》揭開序幕，首批出場演出嘉賓就是9位《愛．回家之開心速遞》一班演員林淑敏、許家傑、呂慧儀、張景淳、吳偉豪、陳浚霆、蘇韻姿、葉蒨文及鄭世豪，眾人合唱主題曲，林淑敏回想多年前修哥一番說話：「我入行時，修哥對我講過『我喺電視見過你，你要加油，雖然你個樣唔會即刻紅，但起碼都會撈到飯食』。每次我唔想簽TVB嘅時候，我都諗起修哥覺得我仲得喎，多謝修哥，唔係你，我都唔會咁堅持。」呂慧儀笑謂：「修哥，你同幾多人講過？」修哥表示：「唔知呀，我有這樣講過我也不知！只記得講過，千祈唔好怕辛苦！」眾人再合唱《舊歡如夢》。